Impala Voortrekkers

Ons almal weet hoe moeilik dit is om ’n kind groot te maak. Ons as ouers het betrokke geraak by die Voortrekkers as offisiere, heemraadslede of net as deelnemende ouers omdat ons besef het dat ons nie alle kennis in pag het nie. Ons besef ons is nie spesialiste op elke vlak nie, maar deur ons spesialiteite bymekaar te sit, kry ons die beste vir ons kinders. Wat die Voortrekkers seker een van die beste buitemuurse aktiwiteite maak, is die ABC grondslag:
Afrikanerskap: Vul die skool kurikkulum aan deur alles van ons geskiedenis te leer.
Burgerskap: Leer wat is jou verantwoordelikhede en regte in ons land.
Christenskap: Leer meer van Jesus en spandeer tyd saam met mede-Christene.
Spreuke 27:17 Yster slyp yster, vriende vorm mekaar.
Aangesien ons nie vergeet dat kinders steeds kinders is nie, maak ons seker hulle geniet dit wat hulle leer deur die leer ervaring te verpak in:
Avontuur: Nagmarse, lanternbekruip, vuil word, kleilat gooi, visvang.
Natuur: Stap in die veld, berge, of langs die see, leer die diere en plante ken deur
hulle in die veld te sien.
Onafhanklikheid: Alleen gaan kamp: Spankampe, Kommando Kamp(2009 Bloedrivier en Richardsbaai),Gebiedskampe (Hoëveld -, Jakaranda -, Swartvlei - en Venterskroon kamp)